НАШЕТО УЧИЛИШТЕ ЌЕ БИДЕ ЕДУКАТИВЕН ЦЕНТАР ЗА УЧЕНИЦИ И НАСТАВНИЦИ ВО КОЈ ЌЕ СЕ ВОСПОСТАВАТ ВИСОКИ ОБРАЗОВНИ СТАНДАРДИ .
УЧИЛИШТЕТО ЌЕ БИДЕ РАСАДНИК НА ТАЛЕНТИ,
ПРЕКУ АФИРМАЦИЈА НА СЛОБОДНИТЕ УЧЕНИЧКИ АКТИВНОСТИ УЧЕНИЦИТЕ ЌЕ ГО ПОМИНУВААТ СЛОБОДНОТО ВРЕМЕ НА ОРГАНИЗИРАН НАЧИН ВО УЧИЛИШТЕТО.
УЧИЛИШТЕТО ЌЕ БИДЕ ЧИСТА, ЗДРАВА И И ХОРТИКУЛТУРНО УРЕДЕНА СРЕДИНА ЗА УЧЕЊЕ. ВО НЕГО ЌЕ СЕ ДОСТИГНАТ СИТЕ ЕКО-СТАНДАРДИ.
2.3.ПРОСТОРНИ УСЛОВИ
Училиштето располага со 10 училници кои ги задоволуваат педагошко – психолошките стандарди за изведување настава во нив, 1 кабинет по информатика -опремен со компјутери , една просторија опремена со нагледни средства-медиотека,
4 помали простории во кои се чуваат нагледни средства и стручна литература по наставните предмети: математика-физика, географија-историја,македонски јазик-странски јазици и биологија-хемија .Училниците се опремени со компјутери (вкупно 168 од кои поголемиот број се нефункционални).Има и 96 лап топ компјутери за учениците од одделенска настава кои се нефункционални и не се употребуваат.Училиштето поседува
4 канцеларии за: наставници, за директор, за секретар и книговодител, за психолог,
4 помали простории од кои една е за архива, една е работилница за хаус мајстор – домаќин, една е приспособена за чајна кујна една просторија за хигиеничари, библиотека,санитарни јазли на трите нивоа и котлара. Просторот на приземје кој порано се користеше како кујна и трпезаријa е пренаменет во детска градинка и изнајмен на Министерството за труд и социјална политика.Тука се згрижуваат децата од предучилишна возраст од с.Велгошти.
Oпрема и наставни средства
Училишните простории се опремени со училишен и канцелариски мебел. Некои од училниците се обезбедени со ормар во кој се чуваат некои нагледни средства и изработки од учениците.Исто така ормари за чување на изработките од децата по наставни предмети се поставени во холот на вториот кат.Клупите и столчињата се нови и зачувани , набавени се пред неколку години.
Од наставна техника училиштето поседува: 7 телевизори 2 графоскопи;
1 видеорекордер; 1 ДВД плеер, 1 автоматски проектор; 1 неисправен механички проектор; 1 кинопроектор од 8 мм; 1 радио; 2 касетофони; 3 лаптоп компјутери; 5 ЛЦД проектори; 3 ЦД плеери; 3 факс машини со копирка и скенер; мини камера за снимање , 2 флип чарт табли, 1 помала копирка ,1 голем фотокопир ,2бели табли донирани од општина 12 нови компјутери и опрема за кабинет по биологија, хемија и природни наукикоја се состои од:Лабараториска маса за наставник,4 елементи со кадичка –мијалник,плакар за чување опрема,метален плакар,8 маси за ученици,21 лабараториско столче,а од дополнителна опрема училиштето доби : безбедносна запалка,постер со периоден систем на елементите, електричен бокал,канти за лабараториски отпаден материјал,противпожарен сет,постер со мерни единици во SI систем, тапи за епрувети.
Во 7 училници се поставени телевизори кои се користат во воспитно-образовниот процес.Во 4 училници се поставени смарт табли ,со што училиштето има создадено современи услови за реализација на наставата.
Секоја учебна година нагледноста во училиштето се повеќе се подобрува, а исто така и оваа учебна година ќе се настојува да се збогати нагледноста .
Училиштето располага со голем училишен двор, во чиј склоп постои уреден спортски терен за фудбал, ракомет и одбојка.
Истиот минатата учебна година беше комплетно уреден од страна на општина Охрид, поставени се и мрежи околу игралиштето и во спортската сала за безбедно играње на повеќе спортови. Во непосредна близина на училиштето се наоѓа спортската сала Тодор Александров каде се изведува наставата по Физичко и здравствено образование,како и бројни општински и регионални натпревари во спорт,меѓу основните и средните училишта.
